正月人迎尪囉.單身娘子守空房.嘴吃檳榔面抹粉.手提珊瑚等待君仔伊都
二月立春分囉.無好狗拖提渡船.船頂食飯船底睡.水鬼拖去無神魂仔伊都
三月是清明囉.風流查某假正經.阿伯宛然楊宗保.桃花可比穆桂英仔伊都
四月是春天囉.無好狗拖守港邊.一日三當無米煮.也敢對阮哥哥纏仔伊都
五月龍船鬚囉.桃花生美愛風流.手拿雨傘隨人走.愛著緣投無尾揪仔伊都
六月人收冬囉.無好狗拖提渡人.衫褲穿破無人補.穿甲出汁遂生蟲仔伊都
七月樹落葉囉.娶著桃花滿身搖.厝邊頭尾人愛笑.可比鋤頭掘著石仔伊都
八月是白露囉.無好狗拖提橫渡.要吃不作叫艱苦.船杯打斷面著黑仔伊都
九月紅柿紅囉.桃花生美割吊人.割吊阿伯無要緊.割吊少年先不通仔伊都
十月十月燒囉.阿伯憨想阮袂著.日時貪彈無人叫.暝時無某睏破蓆仔伊都
十一月是冬節囉.大腳查某假小蹄.八寸鞋面九寸底.恰大阿伯的船杯仔伊都
十二月是年宗囉.精粒做粿敬祖公.有尪有婿人塊爽.阿伯你著誅冬風仔伊都